Универзитет ,,Св. Климент Охридски,, - Битола
Правен факултет – Кичево
дисперзирани студии - Струга
Семинарска работа по предметот
ОСНОВИ НА ЕКОНОМИЈА
Тема: Трошоци
Изработил: Ментор:
Јованоски Александар Доц. д-р Благој Ѓорѓиевски
Струга, 2013
ПОИМ НА ТРОШОЦИ
Производството претставува основен услов за егзистирање на
секое општество. Без постојано, непрекинато производство во
современиот развиток на производните сили и општествената поделба
на трудот не може да се замисли нормалното одвивање, нормалниот тек
на општествената репродукција, Меѓутоа самото производство е една, а
неговата економија е друга страна од процесот на општествена
репродукција. Не е цел само да се произведе, туку производството да
биде што поекономично- со што пониски трошоци, а со тоа да се
овозможи зголемување на профитабилноста на економските и
стопанските субјекти.
Секоја промена при ангажирањето на работниците во
производството, секое задвижување на машините, секоја промена во
технолошкиот процес предизвикува промени во трошењето на
факторите во процесот на производството. Создавањето на учиноците
бара трошење на предмети на трудот, средства за работа, вложување на
жив труд, користење на туѓи услуги, како и извршување на одредени
обврски спрема општествената заедница.
Претпријатието за да произведува или за да пружи услуга мора да
троши средства и труд.
Потрошните елементи во процесот на производство може да си
набљудуваат натурално и вредносно. Натуралниот израз на потрошните
елементи на производството се нарекува
потрошок.
Така на пример,
потрошок за производство на една серија зимски палта претставува
определен број метри штоф, постава, конец, KW- електрична енергија,
работни часови и т.н. Познавањето и следењето на потрошоците во
производството е неопходен услов за оланирање и контрола на
работењето. Но, заради тоа што потрошоците не може да се искажат
хомогено, преку нив не сме во можност да ги согледаме вкупните
вложувања на претпријатието, а исто така и цената на производите.
Затоа е потребно потрошните елемнти во процесот на производството
да се искажат и вредносно. До вредносниот израз се доаѓа кога
потрошоците на елементите на производството се помножат со нивните
цени.
Вредносниот (паричниот) израз на потрошните елементи на
производството ги претставуваат
трошоците.
Трошоците како една од
најзначајните појави во процесот на производството и репродукцијата,
може да се дефинираат и да се набљудуваат врз основа на два
критериуми: прво, по својата економска содржина, трошоците ги
претставуваат потрошените вредности во репродикцијата(во
производството) ; второ, по своето квантитативно изразување,
трошоците се еднакви на потрошоците што се правата во процесот на
производство, односно прометот помножен со цените на соодветните
елементи на производството.
Во ,,економскиот лексикон,, потрошокот се дефинира како количински израз на било
кој елемент на производството, а коишто количини се потрошни или треба да се
потрошат во процесот на репродукција
4
